Labanan ng mga politiko, matindi 10 barangay sa MM, nasa hotspot list

MANILA, Philippines - Sampung ba­rangay sa Metro Manila ang inilagay sa “election­ hotspot list” ng National Capital Regional Police Office (NCRPO) dahil sa init ng tung­galian ng mga lokal na politiko na tumatakbo ngayong darating na barangay elections.

Kabilang sa mga barangay na naka­sama sa talaan ang Barangay 503 sa Maynila; Barangay 587 sa Caloocan City; Ba­rangay Wawang Pulo sa Valenzuela City; Barangay Maharlika sa Taguig City; Ba­rangay Pineda sa Pasig City; Barangay Pio del Pilar sa Makati City; Barangay Sto. Domingo sa Quezon City; Barangay Catmon sa Malabon City; Barangay Navotas West; at Barangay North Bay Boulevard South sa Navotas City

Napabilang ang mga ito sa election watch­list o hotspots dahil sa mga beripi­kadong ulat na ma­tindi ang tunggalian ng mga kandidato.

Pinagbatayan din ang mga dati nang nangyaring karaha­san sa halalan sa mga nasabing lugar.

Una nang inilagay ng NCRPO sa “areas of im­mediate con­­ cern” ang 30 ba­rangay sa Metro Manila kung saan doble ang pu­wersa ng pulisya ang itatalaga.

Kamakailan, isang tumatakbong chairman sa isang ba­rangay sa Caloocan ang binaril at na­patay, habang pinagtangkaan din umanong saksakin ang aktres na si Angelika dela Cruz na tumatakbong chairman din sa Brgy. Longos­ sa Malabon.