10 trak ng basura nasamsam sa Baywalk

MANILA, Philippines - Umaga pa lamang kahapon ay nakapaghakot na ng sampung trak ng ba­sura mula sa dalampasigan ng Manila Bay sa Roxas Boule­vard  sa Maynila ang Metropolitan Manila Deve­lopment Authority, Department of Public Works and Highways at Department of Public Service ng Maynila.

Karamihan sa mga na­hakot na basura ay ki­nabi­bilangan ng styrofoam, tsinelas, plastic at kahoy.Maging ang mga patay na hayop na pinaniniwalaang nalunod sa mataas na pagbaha ay nakuha rin sa dalampasigan.

Dinala sa Pier ang nasabing basura na ililipat sa barge na nag-aabang doon.

Kung magtutuluy-tuloy umano ang pag-ulan at malakas na alon, posibleng hindi kayang tapusin sa loob ng maghapon ang paglilinis sa baybayin ng Manila Bay.