Ubo na higit 2 linggo: Alamin ang lunas

Maraming dahilan ang ubo. Minsan ito ay dulot ng simpleng sakit.

Ngunit kung ito ay pabalik-balik at tumatagal na, baka ito ay isa ng nakahahawang sakit.

Ang mga karaniwang sanhi ng ubo ay ang trangkaso, sipon at allergy.

Karaniwan ito ay kusang gumagaling paglipas ng mga ilang araw. Ang mga naninigarilyo ay nagkakaroon ng isang tinatawag na ubo ng naninigarilyo (smoker’s cough). Sa isang maruming kapaligiran, maraming tao ay nabubuo ang ubo at plema.

Ganunpaman, hindi sa lahat ng pagkakataon ng pag-ubo ay maaaring balewalain lang. Sa ilang mga kaso, ang matagal na pag-ubo ay maaaring maging tanda ng tuberkulosis o hika.

Ang TB sa ngayon ay nagagamot ng libre sa inyong mga health centers. Anim na buwan ang gamutan para gumaling at hindi makahawa sa buong pamilya.

Para sa mga taong naninigarilyo (lalo na sa mga nanini­garilyo ng 10 sticks ng sigarilyo o higit pa sa isang araw), maa­aring alerto ka sa iyong ubo dahil baka ito ay kanser sa baga.

Upang maging ligtas, magpakuha ng Chest X-ray at ganap na tumigil sa paninigarilyo.

Ang kasiyahan na makukuha mo mula sa paninigarilyo ay hindi mahalaga para ito ay ipagpalit sa magiging malubhang sakit.