Creamline paborito sa Chery Tiggo

MANILA, Philippines — Pinapaboran ang nagdedepensang Creamline na talunin ang Chery Tiggo sa kanilang quarterfinals series sa 2024-25 Premier Volleyball League (PVL)  All-Filipino Conference.

Tinalo na kasi ng Cool Smashers ang Crossovers, 25-17, 25-17, 25-21, sa una nilang paghaharap sa eliminations.

Ngayong alas-4 ng hapon magkikita ang dalawang koponan.

Kaagad sumampa ang Creamline sa quarterfinals matapos talunin ang Nxled sa qualifying round.

Dumaan naman ang Chery Tiggo sa play-in tournament kung saan nila pinadapa ang Nxled at Farm Fresh.

Muling aasahan ng Cool Smashers sina Alyssa Valdez, Tots Carlos, Jema Galanza, Michele Gumabao at Bernadeth Pons kontra kina Ara Galang, Cess Robles at Shaya Adorador ng Crossovers.

Sa ikalawang laro sa alas-6:30 ng gabi ay maghaharap ang Petro      Gazz at ZUS Coffee.

Mabilis na nakapasok ang Gazz Angels sa quarterfinals matapos manalo sa Capital1 Solar Spi­kers.

Magkasunod namang binigo ng Thunderbelles sa play-in tournament ang Cignal HD Spikers at Solar Spikers.