Nabuntis sa abroad
Dearest Dr. Love,
Hi. Isa ako sa masugid mong readers at sumulat ako sa iyo para humingi ng mahalaga mong advice.
Tawagin mo akong Rica, isang OFW dito sa Riyadh. May malaki akong problema. Nagdadalang-tao ako na ang ama ay isa ring Pilipinong nagtatrabaho rito. Sa ngayo’y hindi pa halata.
Ang sabi ng boyfriend ko ay umuwi muna ako sa Pilipinas dahil labag sa batas dito ang magbuntis lalo na sa mga babaeng wala namang asawa.
Mga British ang amo ko kaya nagtapat ako sa kanila. Pinapayagan naman nila akong umuwi.
Pero natatakot ako sa maaaring mangyari dahil magagalit ang aking mga magulang at buong pamilya. Pagpayuhan mo sana ako.
Rica
Dear Rica,
Ano ang gusto mo, makulong diyan sa ibang bansa o makauwi kahit magalit ang mga magulang mo?
Naririyan na iyan. Umuwi ka at harapin ang lahat ng consequence ng iyong pagkakamali.
At ‘yung boyfriend mo, binata ba iyan o may-asawa? Kung binata, sana’y handa niyang panagutan ang dala-dala mo. Kung may asawa na siya, pasensya ka. Magiging single parent ka pero sino ba ang taong hindi nagkakamali.
Dr. Love
- Latest
- Trending
