Duterte muling humarap sa ICC
MANILA, Philippines — Muling personal na humarap si dating Pangulong Rodrigo Duterte nitong Martes sa International Criminal Court (ICC) kaugnay ng kasong may kinalaman sa kanyang war on drugs.
Sa isinagawang status conference, makikitang nakaupo si Duterte sa likod ng kanyang defense team habang mino-monitor ang pagdinig gamit ang headset.
Si Duterte ang kauna-unahang dating lider ng isang bansa sa Asya na sumasailalim sa paglilitis sa ICC, na humahawak ng mga kasong war crimes at crimes against humanity.
Matatandaang una siyang humarap sa korte sa The Hague sa pamamagitan ng video link matapos dalhin sa ICC. Hindi rin siya dumalo sa ilang pagdinig bago ang kanyang personal na pagharap noong nakaraang buwan.
Nahaharap si Duterte sa tatlong bilang ng crimes against humanity. Ayon sa mga tagausig, may kinalaman siya sa hindi bababa sa 76 na pagpatay mula 2013 hanggang 2018 bilang bahagi ng kampanya kontra ilegal na droga.
- Latest
