Anong gagawin ‘pag may nerbyos? Sintomas ng nerbyos:
l Mabilis na tibok ng puso o palpitations, pagpapawis at panginginig ng mga kamay, paninikip ng dibdib at hirap sa paghinga, pagkahilo o pakiramdam na matutumba, pamamanhid o pangingisay ng mga kamay at paa, pananakit ng ulo o pananakit ng tiyan.
l Matinding takot o pakiramdam na may paparating na panganib. Hirap mag-focus o mag-concentrate, hindi mapakali o tensiyonado, hirap makatulog (insomnia).
Malaking tulong ang pagkonsulta sa Psychiatrist (doktor sa utak at pag-iisip) at clinical psychologist sa gobyernong ospital.
Ang mga paraan ng gamutan ay upang mapakalma ang iyong isip at katawan.
l Deep Breathing
l Distraksyon: Maglakad-lakad sandali, makinig ng kalmadong musika, o makipag-usap sa isang kapamilya.
l Uminom ng Maligamgam na Tubig.
l Maglakad-lakad.
l I-relax ang Muscle: Isa-isahing i-relax ang mga balikat, panga, at mga kamay.
l Chamomile o Lavender Tea.
l Bawasan ang Kape.
l Sapat na Tulog.
l Regular na Ehersisyo.
l Medikal na Gamutan (kapag malubha).
Kung ang nerbyos ay nakakaapekto na sa iyong trabaho, pag-aaral, o pang-araw-araw na buhay, kumonsulta sa isang doktor o psychiatrist.
l Cognitive Behavioral Therapy (CBT): Isang uri ng talk therapy kung saan tutulungan ka ng eksperto na baguhin ang mga negatibong pattern ng pag-iisip para baguhin ang takbo ng isip na nagpapakaba sa iyo.
l Mga gamot sa nerbyos: Maaaring magreseta ang doktor ng anti-anxiety medications (gaya ng benzodiazepines para sa agarang lunas) o antidepressants (gaya ng SSRIs para sa pangmatagalang kontrol). Safe at magaganda na ang mga gamot ngayon.
- Latest
