P15/litro fuel subsidy hingi ng transport
MANILA, Philippines — Umapela ang isang transport group sa pamahalaan na dagdagan ang fuel subsidy para sa mga public utility vehicles (PUVs) dahil sa patuloy na pagtaas ng presyo ng produktong petrolyo.
Ayon kay Melencio “Boy” Vargas, pangulo ng Alliance of Transport Operators and Drivers Association of the Philippines (ALTODAP), umaasa silang maitaas mula P10 kada litro tungo sa P15 kada litro ang fuel subsidy na ipinagkakaloob ng gobyerno.
Sinabi ni Vargas na kamakailan ay nagkaroon sila ng konsultasyon sa Land Transportation Franchising and Regulatory Board (LTFRB) kung saan pinapili umano sila kung nais nilang P15 fuel subsidy o P1 dagdag-pasahe.
“Pinag-aaralan ng LTFRB at DOTr na mas lakihan ang fuel discount sa mga fuel companies. Kung bibigyan po kami ng P15 fuel discount, iyon po ang nanaisin namin kaysa P1 dagdag-pasahe,” ani Vargas.
Sakaling mapagbigyan ang hiling, nais din nilang palawakin ang implementasyon ng fuel subsidy sa buong bansa upang mas maraming tsuper ang makinabang.
- Latest
