Pangulong Marcos, VP Sara ratings bagsak!

MANILA, Philippines — Parehong bumaba ang trust at performance ratings nina Pangulong Ferdinand Marcos Jr. at Vice President Sara Duterte.

Ayon sa Tugon ng Masa survey ng OCTA Research, nasa 49% ang trust rating ni ­Pangulong Marcos sa ikalawang quarter ng taon, mas mababa sa 54% noong unang quarter ng 2026. Bumagsak din ang performance ni Marcos sa 47% sa ikalawang quarter, mas mababa sa 55% noong first quarter. Nasa 33% naman ng mga Pinoy ang hindi kuntento sa performance ng Pangulo.

“The decline more than erased the 4-point gain recorded in the first quarter and left the president without a majority performance rating,” saad ng OCTA.

Lumagapak din ang trust rating ni Vice President Sara Duterte sa 47% noong ikalawang quarter, mas mababa sa 55% noong unang quarter ng taon. Samantalang bagsak din ang performance ni Duterte sa 45% sa ikalawang quarter kumpara sa 50% noong unang quarter ng taon.

Ayon sa survey, umakyat sa 36% ang nagpahayag nang hindi pagkagusto sa performance ni Duterte.

“The vice president’s trust and performance ratings are both below majority level for the first time since November 2024, but not for the first time in the full trend series,” saad ng Octa Research said.

Isinagawa ang survey noong July 4 hanggang 11 gamit ang 1,200 respondents at face-to-face interview.