5 AFP generals, 85 DFA officials lusot na sa CA
MANILA, Philippines — Kinumpirma nang makapangyarihang Commission on Appointments (CA) ang appointment ng limang Armed Forces of the Philippines (AFP) general at flag officer, at 85 opisyal mula Department of Foreign Affairs (DFA) nitong Miyerkules, Hunyo 17.
Kabilang sa mga pangunahing agenda sa isinagawang special session ang kumpirmasyon ng mga opisyal dalawang linggo matapos ipagpaliban dahil sa adjournment sine die at kawalan ng mga senador na nahalal sa CA.
Ang mga opisyal ng AFP ay sina Lieutenant General Edmundo G. Peralta, Vice Admiral Allan M. Javier, Major General Isagani O. Criste, Brigadier General Niceforo M. Diaz Jr., at Brigadier General Rosemawatte A. Remo.
Nauna rito, idineklara ni bagong Senate President Sherwin Gatchalian na may quorum at inurong ang five-day notice requirements para sa pagpupulong dahil sa special session na ipinatawag ni Pangulong Ferdinand Marcos.
- Latest
