Selebrasyon ng Chinese New Year sa Quezon City, pangungunahan ni VM Joy B

MANILA, Philippines – Pangungunahan ni Quezon City Vice Mayor Joy Belmonte ang pagdiriwang sa ikatlong  taong selebrasyon ng QC government sa Chinese New Year sa Lunes, February 8 sa Chinatown   sa Banawe  sa naturang lunsod.

Sinasabing mas simple ang selebrasyon ngayong taon ng Chinese New Year sa lungsod dahil wala ng magaganap na street party at concert kundi dragon at lion dance lamang at fireworks.

Gayunman, sinabi ni Belmonte, bilang tourism czar ng QC na patuloy ang dagdag na  major developments na gagawin sa Chinatown sa kahabaan ng Banawe Street upang ganap itong maging major tourism district sa lungsod.

Kasama sa improvement ng Chinatown ang physical environment ng Banawe street at pagkakaroon ng matinding seguridad doon.

Katulong ng QC sa tagumpay ng pagdiriwang ng Chinese New Year sa QC Chinatown sa Banawe sa lungsod ang  Chinatown Development Foundation, Inc. at  QC Association of Filipino-Chinese Businessmen Inc.