Kontrol ng Administrasyon sa Kongreso mas lumaki
MANILA, Philippines - Mas magiging kontrolado na ng administrasyong Aquino ang Mababang Kapulungan ng Kongreso ngayong papasok na 16th Congress dahil sa mahigit sa 200 kongresista ang kanilang magiÂging kaalyado ng ruling party na Liberal Party (LP).
Sa listahan na inilabas ng Kamara, lumalabas na 197 sa mga nanalong 234 district Congressmen na miyembro ng 16th Congress ay pawang mga kaalyado ni Pangulong Aquino.
Lumalabas na 108 ay miyembro ng LP, 43 ang Nationalist Peoples Coalition (NPC), 24 sa National Unity Party (NUP), 20 sa Nacionalista Party (NP) at dalawa mula sa Laban ng Demokratikong Pilipino (LDP).
Samantala, walo naman ang pumasok mula sa United Nationalist Alliance (UNA) at 15 na mula sa iba pang partido.
Hindi naman kasali sa talaan ang 50 partylist Representatives subalit karaniwang ang mga ito ay sumasama sa mayorya o administration bloc sa Kamara.
Sa hanay din ng mga kongresista ng 16th Congess, 143 ang incumbent na nanalo muli nitong eleksyon, 25 naman ang mga dating kongresista at ngayon ay balik Kamara habang 66 naman ang mga bagong kongresista.
- Latest
- Trending
