DepEd nagbabala vs impostor
MANILA, Philippines - Pinag-iingat ng Department of Education (DepEd) ang publiko laban sa isang impostor na nagpapanggap na si Education Secretary Armin A. Luistro at nagso-solicit ng tulong pinansiyal para umano sa mga “proyekto” ng ahensiya.
Sa isang kalatas ng DepEd, sinabi nito na nakatanggap sila ng ulat na isang lalaki na nagpapakilalang si Secretary Luistro ang humihingi umano sa mga kolehiyo at mga unibersidad, gayundin sa mga pribadong negosyante ng P10,000 bilang donasyon sa mga proyekto ng DepEd.
Ang naturang donasyon ay ipinapa-deposito umano ng lalaki sa account ng kaniyang kalihim na si Ester Avilla sa Landbank Batangas account #0277166445 o di kaya ay sa Cebuana Lhuillier c/o Ester C. Corpuz o Jaime Jacob.
Ang gamit umano ng lalaki sa pagtawag sa kaniyang mga biktima ay ang cellphone nos. 0926-7144527, 0926-7144543 at 0927-7110047.
Maaring i-report ito sa tanggapan ng DepEd sa tel. nos. 6316033.
- Latest
- Trending
