M-Mla Auditions para sa MBC National Choral Competition

MANILA, Philippines -  Gaganapin ang Mega-Manila Auditions para sa 2012 MBC National Choral Competition sa Oktubre 6 at 7, mula alas-9 ng umaga hanggang alas-4 ng hapon sa Star City. Inaanyayahang lumahok ang mga choirs ng iba’t ibang paaralan, parokya, komunidad at tanggapan ng pampubliko at pribadong sektor. Ang mga interesado ay maa­aring humingi ng detalyadong contest guidelines at registration forms sa pamamagitan ng pag-email sa [email protected].

Isandaang libo ang nakalaan sa tatanghaling kampeyon sa children’s division at P150,000 sa magwawagi sa open category pagdating ng grand national finals sa Disyembre. Ang 2012 MBC National Choral Competition ang maglalatag ng pagtatanghal ng kauna-unahang Manila International Choral Festival sa Disyembre 2013 na lalahukan ng mahigit 60 bansa sa ilalim ng pagtataguyod ng Manila Broadcasting Company, ang Philippine Choral Directors Association at Interkultur-Germany na siya ring nagtatanghal ng World Choir Games.