PNoy malamig sa anti-'planking'

MANILA, Philippines - Nagpahiwatig ang Ma­lacañang ng kawalan ng pagsuporta sa isinusulong na anti-planking law sa Kamara.

Sinabi ni Presidential Spokesman Edwin Lacierda, ang sinuman na magsasagawa ng planking sa kalye at malalagay sa peligro ang kanyang buhay ay maaaring alisin ng pulis o awtoridad para sa kanyang kaligtasan kahit walang anti-planking law.

Wika ni Sec. Lacierda, may mga batas namang puwedeng gamitin ng gobyerno sa sinumang magiging sanhi ng trapiko sa kalsada tulad ng ginawa ng ilang militante sa nakaraang tigil-pasada noong Lunes na nagsasagawa ng protesta sa pamamagitan ng planking.

Idinagdag pa ni Lacierda, ang planking ay bagong estilo ng mga protesters bilang paraan ng paghahayag ng kanilang hinaing sa gobyerno.