Paglabag sa helmet law pinalagan ni Revilla
MANILA, Philippines - Tinutulan ni Sen. Ramon Revilla Jr. ang tahasang paglabag ng ilang probinsiya sa Republic Act 10054 o ang Mandatory Helmet Act of 2009 kung saan hindi nila sinusunod ang pagsusuot ng standard protective helmet dahil nagiging ugat pa umano ito ng krimen.
Sinabi ni Revilla na nalalagay sa panganib ang buhay ng mga nagmo-motorsiklo dahil sa paglabag sa RA 10054 lalo ang napaulat na isinusulong sa Sangguniang Panglungsod ng Batangas na ipagbawal ang pagsusuot ng helment dahil naitatago umano ang mukha ng gumagawa ng krimen.
Ikinatwiran pa ni Revilla na hindi dapat sisihin ang nasabing batas sa pagtaas ng bilang ng krimen dahil ang pulisya ang dapat tumutok upang sugpuin ang kriminalidad sa bansa.
“I strongly condemn the absurd claim that the Republic Act 10054 or the Mandatory Helmet Act of 2009 aids in the commission of crimes. Exempting certain localities in the implementation of the law will not be a guarantee that crime incidents will decrease,” sabi ni Revilla.
- Latest
- Trending
