Ex-Taguig mayor hahabulin ng Ombudsman

MANILA, Philippines - Hindi umano ligtas sa pagsisiyasat ng Ombudsman ang mga dating lokal na opisyal na may pana­na­gutan dahil lamang naiba na ang mga ito ng puwesto.

Ito ang mariing pali­wanag ni Assistant Om- budsman Jose de Jesus kaugnay ng kaso ni dating Taguig mayor Freddie Tinga na ngayon ay congressman ng 2nd district ng Taguig.

“Kung ginawa mo ang krimen sa oras na guma­ganap ka ng tungkulin bilang opisyal ng gob­yerno, ang office of the ombudsman ay may awto­ridad na imbistigahan ka, litisin ka, at ipakulong ka,” pahayag ni de Jesus ka­ugnay sa reklamo ng ka­salukuyang adminis­trasyon ni Taguig City Mayor Maria Laarni Caye­tano laban kay Tinga. 

Nais ng kampo ni Ca­yetano na kahit congressman na ay mapanagot ang dating alkalde sa mga umano’y anomalyang kina­sangkutan nito gaya ng overprice sa information technology at security contracts na halos kalahating bilyong piso, halos kala­hating bilyong pisong kontrata sa basura, mga “midnight donations” sa mga kaalyadong barangay at iba pa.

Ayon kay Cayetano mamamayan at public service ang nasakripisyo ma­tapos umanong ipamigay ang napakaraming gamit ng City hall na ilan ay ini­wang sira o kulang-kulang ang ibang gamit. 

Hindi na rin umano ma­hagilap maging ang mga baril na pag-mamay-ari ng Taguig City Hall.

Kinukuwestiyon din ni Cayetano ang mga uma­no’y midnight donations, midnight contracts and resolutions sa panahon ng nagdaang pamahalaan.