Kasong estafa, pagnanakaw vs Bistek ibinasura
MANILA, Philippines - Ibinasura ng Quezon City Prosecutors office ang kasong qualified theft at estafa na isinampa kay Quezon City Mayor-elect Herbert “Bistek” Bautista ng isang negosyante.
Dinismis ni QC Prosecutor Dindo Venturanza ang kasong qualified theft at estafa na isinampa ni Carlos de Leon laban kay Bistek at kapatid nitong si Hero dahil sa kakulangan ng ebidensiya.
“We find that the totality of evidence submitted by the complainant does not meet the required quantum to support a funding of probable cause that the act imputed to respondents was indeed committed,” nakasaad sa 2-pahinang resolusyon ni Venturanza.
Inakusahan ni de Leon si Hero ng pagnanakaw sa P1.2 milyong halaga ng printing machine na pag-aari ng C.H.A.M Advertising sa kanyang tanggapan sa Project 8, QC at utos daw ito ni Bistek.
Nabigo namang patunayan ni de Leon ang kanyang akusasyon laban sa magkapatid na Bautista kaya dinismis ang reklamo nito.
- Latest
- Trending
