Cabral suportado sa condom

MANILA, Philippines – Sa kabila ng pagtutol ng simbahang katoliko sa pamamahagi ng condom ng Department of Health, su­ muporta naman kay Health Secretary Espe­ranza Cabral ang   non-go­vernment organization na Catholics for Choice  hing­gil dito.

Ayon kay Catholics for Choice President Jon O’ Brien, hindi matata­waran ang pagpupursige ni Cab­ ral na maisalba ang buhay ng isang tao kasa­bay ng paglaban sa pag­kalat ng HIV at AIDS epidemic.

Sinabi ni O’Brien na hindi lamang gumawa ng ingay ang pakikipagdebate ni Cabral sa mga pari at obispo kundi mas binig­yang-daan nito ang publiko na maging alerto at mag­karoon ng sapat na impor­masyon hinggil sa pagla­ban sa naturang sakit.

Mananatili aniya ang kanilang paninindigan na ang paggamit ng condom ay para maiwasan ang   pag­kalat ng HIV/AIDS at iba pang sexually-transmitted diseases dahil ang bawat isa ay madaling ka­pitan ng impeksiyon. - Doris M. Franche