10 OFW sa Qatar, binigyan ng pardon

MANILA, Philippines - Sinuwerte ang 10 Pinoy matapos na maibigay sa kanila ang Emeri clemency habang idinadaos ang National day sa Qatar.

Sinabi ng Department of Foreign Affairs na ipinalabas noong Disyembre 18, 2009 ang kautusan na pinatatawad na ng Qatar government ang nasabing 10 Pinoy kaya naman agad na umuwi sa bansa ang walo rito habang ang isang kasamahan ng mga ito ay inaasahang makakauwi na rin sa oras na naayos na ang mga dokumento nito. Ngunit ang isa pang Pinoy ay pansamantalang naantala ang pag-uwi dahil sa kasong sibil na kinakaharap nito sa Qatari court.

Ang Philippine Basketball Association of Qatar ang magbibigay ng plane ticket sa dalawang naiwang Pinoy upang makauwi sa bansa. (Ellen Fernando)