Tinga drug ring ibalik sa selda - PDEA

MANILA, Philippines - Isinampa noong Enero 18 ng Philippine Drug Enforcement Agency sa Taguig City Regional Trial Court ang isang motion for reconsideration na humi­hiling na baligtarin ng korte ang desisyon nitong nag­papalaya sa ilang miyem­bro ng tinaguriang Tinga Drug Syndicate. 

Sinabi ng hepe ng legal division ng PDEA na si Atty. Alvaro Lazaro hinihi­ling nilang ibalik sa kulu­ngan ang mga suspek na magkapatid na sina Fer­nando at Alberto Tinga at pamangkin ng mga ito na si Allan Carlos Tinga.

Sinabi ni Lazaro na iki­na­gulat nila ang desisyon ni Judge Raul Villanueva noong Dis. 9, 2009 na nag­palaya sa mga suspek.

Sinabi ng PDEA na ma­kikita sa kanilang mosyon ang determinasyon nilang maipakita sa korte na sa­pat ang ebidensya nila la­ban sa mga Tinga.

Kung matatandaan, dismayado ang PDEA at sinabing tila “Home Town Decision” ang desisyon ni Judge Villanueva laban sa mga miyembro ng natu­rang sindikato.

Nagbigay kamakailan ng listahan si dating Dangerous Drugs Board Chairman Tito Sotto kay Pangu­long Arroyo ng mga lokal na opisyal na may kaug­nayan sa illegal na droga. (Butch Quejada)