23 sementeryo 'lilinisin' sa Oplan Galugad ng NPD

MANILA, Philippines - Sinimulan na ng Northern­ Police District at Camanava Police ang kampanya laban sa mga illegal na naninirahan sa mga pampublikong se­men­teryo dito bilang pag­hahanda sa seguridad para sa paggunita ng All Saints at All Souls day.

Inatasan ni NPD Director Atty. Samuel D. Pag­dilao Jr., ang lahat ng hepe ng pulisya na linisin ang 23 sementeryo sa mga nasa­sakupang lugar nito ma­tapos na makatanggap ng ulat na ilang grupo at indi­biduwal ang nagtatago dito o ginagawang safe­house para sa mga illegal na akti­bidad. Sinimulan ang pagli­linis simula noong Martes, kung saan 15 katao ang naaresto at nakuhanan ng matatalas na armas.

Wala naman nahuling squatters sa ilang semen­teryo sa Valenzuela City. Malaki naman ang pasa­salamat sa pulilsya ng mga pinuno sa mga semen­teryo dito dahil sa ma­agang saturation drive.

Nagtayo din ang NPD ng Poli/Public Assistance Centers sa loob at labas ng 23 sementeryo dito para matiyak ang kaligtasan ng publiko na gugunita sa Araw ng mga Patay. (Lordeth Bonilla)