Paaralan bilang evacuation center tinutulan ng DepEd

MANILA, Philippines - Umapela kahapon si Department of Education Secretary Jesli Lapus sa mga pinuno ng lokal na pama­halaan na huwag nang ga­wing evacuation centers ang mga pam­publikong pa­aralan tuwing may kalami­dad.

Ito’y matapos na maka­tang­gap na ng napakara­ming ulat ang DepEd bu­ hat sa pamilya ng mga mag-aaral na inaabuso sila ng ilang evacuees na nanu­nu­luyan pa sa ka­nilang paara­lan matapos na ma­salanta ng bag­ yong On­doy ang Metro Manila at ng bag­yong Pepeng ang Hi­laga at Git­nang Luzon.

Kabilang sa mga naiulat na may naganap na naka­wang may sangkot na mga evacuees ang ilang pa­aralan sa Marikina City habang may kahalintulad na insidente rin ng naka­wan sa Alabang Elementary School sa Muntin­lupa City.

Idiniin rin ni Lapus na na­sisira ang natural na daloy ng klase sa mga paaralan dahil sa kina­kapos sila ng silid-aralan na inookupahan ng mga evacuees bukod pa sa ingay at iba pang ka­gulu­han ng ilan sa mga ito.       

Pinasalamatan naman ni Lapus ang ilang mga gober­nador at alkalde na tumu­tugon sa kanyang pana­wagan sa paglilipat sa mga “evacuees” sa mga “covered courts, gymnasiums, at auditoriums”.

Sinusuportahan naman ng DepEd ang panawagan sa pagtatayo na ng mga gusali na gagawing per­manenterng evacuation centers dahil sa ina­asahan ang pagdaan pa ng marami pang kalamidad sa bansa na natural na da­anan ng mga bagyo sa Pasipiko. (Danilo Garcia)