Dagdag service fee sa ospital tuloy pa rin

MANILA, Philippines - Tila hindi nasindak sa Department of Health (DOH) ang Private Hospitals Association of the Philippines (PHAP) matapos na itinuloy pa rin kahapon ng mga pribadong ospital ang pagpapataw ng dag­ dag singil sa kanilang service fees.

Ayon sa PHAP, anim na buwan lamang naman iiral ang 10 porsyentong dag­dag sa singil sa service fees sa mga pribadong pagamu­tan sa bansa.

Sinabi ni Atty. Bu Castro legal counsel ng PHAP na hinihiling nila ang pang-unawa ng publiko kaugnay rito dahil labis talagang naapektuhan ang mga pri­badong pagamutan mata­pos ipatupad ang 50 por­syentong price cut sa ilang essential medicines.

Iginiit ni Castro na mas mabuti nang magpatupad sila ng dagdag sa singil sa service fee, kaysa mag­tanggal sila ng emple­yado o magsara ang mga on-house pharmacies sa mga ospital.

Iginiit naman ni Health Sec. Francisco Duque III na kinakailangang magpakita ng basehan ang mga pri­badong ospital sa pagpa­pa­tupad nila ng service fee increase.

Duda si Duque na iki­nalugi ng mga ospital ang 50% price cut sa ilang essential medicines dahil napakarami pa aniyang gamot ang ibinebenta sa mataas na halaga.

Bukod dito, sinabi ni Du­ que na hindi lamang naman sa mga in-house pharmacies kumikita ang mga pribadong ospital, may mga canteen pa aniya sa loob ng mga pribadong pagamutan at iba pang mapagka­kakitaan. (Doris Franche)