Duterte ‘di dadalo sa November 2 ICC status conference

MANILA, Philippines — Ini-waive ni dating Pangulong Rodrigo Duterte ang kanyang karapatang personal na dumalo sa ika-limang Status Conference ng International Criminal Court (ICC) na nakatakda sa Nobyembre 2.

Sa dokumentong inihain ng kanyang depensa noong Oktubre 30, ipinaalam na si Duterte ay kakatawanin na lamang ng kanyang abogado sa pagdinig.

Noong Oktubre 29, pinayagan ng ICC Trial Chamber III ang kahilingan at inatasan ang depensa na isumite ang nilagdaang waiver.

Sa pamamagitan ng waiver, binigyan ni Duterte ng awtoridad ang kanyang legal team na humawak sa lahat ng usaping tatalakayin sa status conference at iba pang maaaring lumitaw sa pagdinig.

Nakatakdang idaos ang status conference bilang bahagi ng paghahanda para sa paglilitis ng kaso ni Duterte.

Hindi na siya personal na dadalo matapos aprubahan ng korte ang kanyang kahilingan na ma-exempt sa pagdalo.