9 aktibistang Belgians ban sa Pinas

MANILA, Philippines - Pinagbawalan ng Bureau of Immigration (BI) na makapasok sa bansa ang siyam na Belgian nationals sa pagsali sa isang kilos-protesta laban sa State of the Nation Address (SONA) ni Pangulong Arroyo.

Agad ding iniutos ni Immigration Commissio­ner Marcelino Libanan na ilagay sa BI blacklist ang mga Belgians na sina Johan De­ myttenaere, Ma­rio Alessan­der Bauwens, Stefanie Devloo, Nicky Broeckho­ven, Marlies Gel­dof, Jelle Eeck­hout, Greet Vantieghem, Mattia de Pauw, at Chiara Donadoni.

Nilinaw ni Libanan na hindi dapat silang maki­saw­saw sa internal affairs par­tikular sa political activity ng bansa, bilang temporary visitors kaya hindi na sila maari pang payagang mu­ling makabalik dito.

May 5 araw na lamang na pinayagang makapa­natili pa sa bansa ang tatlong dayuhan ha­bang ang anim ay nakaalis na.

Sa ulat, ang mga nasa­bing dayuhan ay kabilang sa anti-government rally na isinagawa noong Hulyo 22, 2009 na nagmartsa mula sa Dasmarinas, Imus at Ba­coor, Cavite.

Bigo ang kapulisan na sila ay arestuhin sa martsa nang humarang ang mga Pilipinong aktibista. (Ludy Bermudo)