Customs 'gatasan' sa 2010

MANILA, Philippines – Pinangangambahang gagawing milking cow o gatasan ang Bureau of Customs upang manga­lap ng pondo para sa mga kandidato sa 2010 elections.

Ayon sa isang impor­mante, “fund raising” para sa 2010 elections at matinding bangayan ng ilang grupo sa Malaca­ñang ang dahilan kung bakit kahit ‘iligal’ ay lumik­ha ng bagong opisina sa Bureau of Customs ang gobyernong Arroyo.

Noong Mayo 25, ni­lag­daan ng Pangulo ang Executive Order 805 na naghati sa Intelligence and Enforcement Group sa tanggapan ng Intelligence Group Enforcement Group kung saan na­italaga si Jairus D. Pa­guntalan bilang IEG de­puty commissioner at Horacio Suansing bilang EG deputy commissioner.

Si Paguntalan ay isang career executive service officer, director ng Customs Intelligence and Investigation Service at natalagang IEG officer in charge bago ito hinati ng Malacanang. Si Suansing naman ay pamangkin ni Sen. Miriam Defensor San­tiago at district col-lector ng Port of Manila.

Ayon sa mga sources sa Palasyo, “matindi” umano ang naging “pressure” ng mga padrino ni Suansing upang bigyan ito ng mas mataas na po­sisyon sa ahensiya at ma­kaiwas masibak bilang customs collector dahil sa kabiguang makuha ang target collection nito sa nakaraang tatlong taon.

Hindi naman bago ang impormasyon na muling magsisilbing ‘cash cow’ ang BOC para sa ilang kan­didato ng adminis­trasyon sa 2010 elections dahil ilan din sa mga dating opisyal nito, tulad ni dating IEG deputy commissioner Ray Allas, ay patuloy na naglilingkod sa Malacañang sa tang-ga­pan ng ‘Office of the Presidential Adviser on Revenue Enhancement’ na pinamumunuan ni Nar­ciso ‘Jun’ Santiago, asa­wa ni Sen. Defensor San­tiago at tiyuhin ni Suansing.

Bilang EG deputy com­­missioner, haha­wa­kan ni Suansing ang En­force­ment Security Service at ang sentrong tang­gapan sa pagbaba­yad ng buwis sa BOC o ang Certificate of Payment Centralized Clearing Center.

Hindi rin umano ma­tanggihan ni Mrs. Arroyo ang grupong sumusu­porta kay Paguntalan na may malapit umanong kamag-anak sa loob mis­mo ng Office of the President. (Butch Quejada)