Rizal Park itatayo sa Australia

MANILA, Philippines - Bilang pagkilala sa kanyang kabayanihan, isang parke na naka­pa­ ngalan sa pamban­sang bayani ng Pilipinas na si Dr. Jose Rizal, ang nakatak­dang itatag sa New South Wales sa Australia.

Nabatid kay Philippine Consul General Eva Be­tita na isinagawa na ang groundbreaking cere­mony na senyales nang pagsi­simula ng kons­truksyon ng Rizal Park na itatayo sa may 2.6 hek­taryang lupain sa Camp­bell.

Ayon kay Betita, si­nabi umano ni Campbell Town Mayor Russel Ma­theson na ang naturang parke ay bilang pagkilala sa kaba­ yanihan ni Rizal.

Layunin rin umano nito na ipakita ang isang matatag na Filipino Australian community sa Camp­bell na may 4,000 resi­dente.

Simula pa noong 1988 ay kinikilala na ang natu­rang lupain bilang Rizal Park ngunit ngayon pa lamang pasisimulan ang pagtatatag ng parke ma­tapos na maipalabas na ng pamahalaan ang pondo para rito.

Inaasahang magta­tayo ng playground, walk paths, mga streetlight, barbeque pits, mga silu­ngan at toilet facility sa naturang parke.

Inaasahang maku­kum­pleto ang pagtatayo ng parke sa loob ng su­sunod na tatlong taon. (Mer Layson)