Pinay ligtas na sa bitay

MANILA, Philippines – Ibinaba na ng Taiwa­nese court sa hatol na ha­bambuhay na pagka­bi­langgo ang senten­syang bitay sa Pilipi­ nang si Cecilia Alcaraz mata­pos mamagitan ang pa­ma­halaan ng Pilipinas.

Nauna rito, hinatulan ng Kaoshing district court si Alcaraz, isang English tutor, ng parusang kama­tayan sa kasong pagna­nakaw at pagpatay kay Chiu Mei-yun noong 2007.

Kamakailan, kinalam­pag ni Senator Manuel Villar Jr. ang pamaha­laan na umaksyon sa kaso ni Alcaraz na na­katakda sanang bitayin sa pama­magitan ng firing squad.

Masusing tinimbang ng Taiwanese court ang apela ng pamahalaan na hinimok ni Villar na umak­syon matapos pumunta sa tanggapan ng dating Senate President ang pamilya ng biktima noong Oktubre 29 para magpa­tulong.

Kinumpirma ng taga­pag­salita ng Department of Foreign Affairs na si Ed Malaya na ibinaba na ng korte ng Taiwan sa paru­sang habambuhay na pagkabilanggo ang hatol kay Alcaraz.

Iginiit naman ng Mi­grante na hindi sapat na maibaba ang hatol kay Alcaraz. Dapat anilang palayain ito.

Ayon kay Migrante Chairman Gary Martinez, kung hindi noon inupuan ng Philippine government ang kaso ni Alcaraz, hindi sana ito nakulong. Nani­niwala siyang ang biktima ay napilitan lamang uma­min sa kaso dahil sa mga pagbabanta sa buhay nito.

Sinasabi noon ni Al­caraz na dalawang Taiwanese ang talagang pumatay sa kanyang amo.

Si Alcaraz ay dating merchandiser sa isang department store dito sa Pilipinas bago nagtungo sa Taiwan para makaha­nap ng mas malaking pagkakakitaan.

Base sa rekord, si Al­caraz na nagtuturo ng English sa Taiwan ay di­na­kip ng pulisya matapos na iturong siyang puma­tay kay Mei-yun. Nare­kober ang bangkay ni Mei-yun sa isang masukal na ba­surahan sa Taiwan noong Setyembre 15, 2007.

Si Alcaraz ay nag-plead ng “not guilty” su­ba­lit hinatulan ng maba­bang korte ng nakalipas na taon ng parusang kama­tayan kaya ini­apela niya ito sa Appellate Court.

Kahit mananatili sa kulungan, bahagyang nakahinga nang maluwag ang pamilya ni Alcaraz sa Pilipinas dahil sa pagka­kaligtas sa bitay ng natu­rang OFW. Gayunman, naniniwala silang hindi nito magagawang puma­tay ng tao.