Lomibao 'sinisira' ng mga alipores

MANILA, Philippines - Dapat umanong im­bes­tigahan at kastiguhin ni Land Transportation Office Chief Arturo Lomibao ang ilan sa kanyang mga ali­pores dahil sa umano’y pananakot sa mga drug testing centers, insurance companies, PETCs, IT service providers na patata­galin ang renewal ng authorization ng mga ito o di kaya ay sususpindihin pa kung hindi umano sila makikipagmabutihan sa mga ito.

Sa mga nasuspinding PETC naman, kanila umano itong pinanganga­kuan na ma­papadali ang pag-lift ng suspension order kung sila ay magbi­bigay ng kauku­lang pondo.

Ayon sa mga lehiti­mong negosyante sa LTO, ginagawa na umanong “gatasan” ang LTO para raw sa pagtakbo ni Lo­mibao bilang congressman sa nalalapit na 2010 elections.

Nananawagan ang mga negosyante kay Lomi­bao na siyasatin ang na­turang sumbong upang di makasira sa kanyang pangalan at sa LTO.

Ang LTO ay dating top 3 sa pinaka-corrupt na ahensiya ng pamahalaan, ngunit ngayon ay pang-18 na lamang ito.