39 OFWs tinulungan ni Noli

MANILA, Philippines - Maglalaan ng job trai­nings si Vice-President at Presidential Adviser on Overseas Filipino Worker (OFW) Noli de Castro para sa 39 biktima ng Illegal recruiter sa Malaysia na du­mating sa bansa noong Lunes.

Ayon kay de Castro, hindi dapat na matakot ang mga umuwing OFWs dahil bibigyan ang mga ito ng pagkakataon para mag­karoon ng skills and job trai­nings upang muling maka­pag-abroad.

Ang 39-biktima ay tinu­ lungan din ni de Cas­tro na magkaroon ng pa­ma­sahe sa eroplano at pagka­karoon ng dis­kwento sa Immigration compound penalties.

Bukod sa nasabing tulong ay binigyan din ni de Castro ang isa sa mga ito na si Heline Langeres na may komplikasyon sa katarata.

Dahil dito’y pinaalala­hanan ni de Castro ang mga Pinoy na nais mag-ab­road na sundin ang tamang proseso at maki­pag-ugna­yan sa Philippine Over­seas Employment Agency upang di mabik­tima ng mga illegal recruiter.

Ang repatriation ng 39-OFWs ay resulta ng pag­kakaisa ng Philippine Over­seas Labor Office at ng Assistance to Nationals. (Mer Layson)