Lahat ibinintang sa akin, pati pagiging bakla - Ping

MANILA, Philippines - Inilabas kahapon ni Sen. Panfilo “Ping” Lac­son ang kanyang himutok sa kasa­ lukuyang admi­nis­trasyon dahil lahat na la­mang ng kasinunga­lingan ay ibinin­tang uma­no sa kanya mula sa mo­ney laundering, ilegal na droga, kidnapping, at ang pagiging bading.

Sinabi ni Lacson sa kanyang talumpati sa Phal­tra National Conference and Seminar sa Manila Ho­tel na, sa naka­raang wa­long taon simula nang ma­upo sa puwesto si Pangu­long Glo­ria Arroyo, naging tampulan na siya ng wa­lang humpay na paninira.

Hininala ni Lacson na ang kanyang patuloy na krusada sa korupsiyon ang dahilan kung bakit ayaw siyang tigilan ng adminis­trasyong Arroyo.

Inisa-isa ni Lacson ang mga kinasangkutang kon­trobersiya ng adminis­tras­yong Arroyo katulad ng jueteng, IMPSA deal, Tele­com scam, Jose Pidal controversy, Fertilizer fund scam, at ang pina­kahuli ay ang sabwatan at suhulan sa bidding sa mga proyektong pinopon­dohan ng World Bank.

Tiniyak ni Lacson na hindi niya ititigil ang kru­sada laban sa katiwalian na si­ nimulan umano niya noong hepe pa siya ng PNP.

Muli niyang iginiit na wala siyang kinalaman sa Dacer-Corbito murder case katulad ng gustong palaba­sin ng administras­yong Arroyo. (Malou Escudero)