Pagsibak sa huwes hingi sa Supreme Court

Nanawagan kaha­pon kay Supreme Court Chief Justice Reynato Puno at sa court administrator ng Caloocan City ang mga stall­holder ng Ever-Gotesco mall na parusahan ang isang hukom dahil sa hindi umano pagiging patas nito sa kanyang pinala­labas na desisyon.

Ayon sa mga tenant na pinangungunahan ni Raymond T. Ko ng Tiger Eye Events, hindi na­ging patas si Caloocan City Regional Trial Court Branch 126 Judge Oscar Barrientos nang paboran nito ang petition for writ of possession para sa buong shopping mall na inihain ng pamahalaang-lung­sod noong Eneri 16. Ito ay sa kabila na ang Manila Regional Trial Court ang may orihinal na hurisdiksyon sa kaso.

Binalewala rin uma­no ni Barrientos ang temporary restraining order na naunang ipi­nalabas ng MRTC la­ban sa pagkum­ piska ng pamahalaang-lokal sa mall.

Sinabi ng mga stall holder na malulugi ng milyun-milyong piso ang mga negosyante sa Ever-Gotesco na mabu­bulabog sa desisyon ni Barrientos. Maaari an­yang sumiklab ang gulo kung tuluyang kukunin ng pamahalaang lokal ang mall.