Sen. Biazon magko-congressman, anak magse-senador

Sa kabila ng isyu ng political dynasty kung saan halos magkakamag-anak ang pumapasok sa pulitika at hindi bumibitiw sa posisyon, balak ng mag-amang sina Sen. Rodolfo Biazon at Muntin­lupa Rep. Ruzzano Bia­zon na magpalitan ng posisyon.

Inamin kahapon ni Sen. Biazon na magtata­pos na ang termino sa 2010 na tatakbo siyang kinatawan ng Muntinlupa samantalang ang kan­yang anak naman ang tatakbong senador.

Magtatapos na rin ang termino ni Senate Minority Leader Aquilino Pi­mentel Jr., at posibleng muli nitong patakbuhin bilang senador ang nata­long anak na si Atty. Koko Pimentel.

Sakaling manalo ang batang Pimentel, maka­kasama nito sa Senado si Sen. Juan Miguel Zubiri na iprinotesta niya ang pagkapanalo noong 2007 senatorial elections.

Idinadag naman ni Biazon na iilang letra la­mang ang babaguhin sa signage ng bagong opi­sina sakaling manalong Congressman ng Muntin­lupa dahil parehong le­trang “R” nagsisimula ang kanilang pangalan.

Inaasahan naman na muling mauulit ang laba­nan ng mga Biazon at dating Press Secretary Ricardo “Dong” Puno Jr. sa Muntinlupa.

Sa susunod na taon (2010) sabay na mata­ta­pos ang termino ng mag-amang Biazon kung saan siyam (9) taon na­nilbihan ang anak sa Ka­mara, katumbas ang tat­long (3) termino habang 12 taon sa Upper House ang se­nador. (Malou Escudero)