131,000 bagong trabaho sa mga magsasaka, mangingisda

Dahil sa financial crisis, may 131,000 bagong trabaho ang Department of Agriculture (DA) para sa sektor ng agrikultura at pangingisda ngayong taon.

Ayon kay DA Secretary Arthur Yap, ito ay bahagi ng hakbang ng pamaha­laan na maalalayan ang estado ng pamumuhay ng taum­bayan mula sa epek­to ng krisis sa pananalapi sa buong mundo.

Ani Yap, may 81,134 trabaho ang mapupunta sa repair at rehabilitation ng mga irrigation facilities sa buong bansa at dagdag na 10,400 naman ang mabebenepisyuhan ng organic fertilizer production program.

Ang may 36,500 tra­baho naman ay mapu­punta sa pagtatayo ng farm to market roads at dagdag na 3,645 employment opportunities.

Kaugnay nito, nana­wagan si Yap sa mga mam­babatas sa Kongreso na makiisa sa pagtulong sa pamahalaan na mabig­yan ng kaukulang solos­yon ang problema sa pa­nanalapi sa bansa sa pamamagitan ng pagpasa ng isang economic stimulus bill na tutulong na maibigay ang commitments ng pamahalaan para sa kapakanan ng taumbayan. (Angie dela Cruz)