PGMA pinuri ng transport

Pinuri ng iba’t ibang lider ng transport groups ang Malakanyang kaug­nay sa ipinalabas na de­sisyon nito na panatilihin sa puwesto si Land Trans­portation Office (LTO) chief Alberto Suan­sing dahil sa ipinapakita nitong magandang tra­baho sa nabanggit na ahensiya.

Ayon kay Zenaida Ma­ranan, presidente ng Federation of Jeepney Operators and Drivers Asso­ciation of the Philippines (FEJODAP) at vice chairman ng United Trans­port Koalisyon (1UTAK), lubos ang kanilang pasasala­mat kay Pangulong Arroyo dahil hindi ito nag­kamali sa kanilang ipina­labas na desisyon na panatilihin si Suansing.

Aniya, bagamat 8-bu­wan pa lamang si Suan­sing sa LTO ay marami na itong repormang ipinatu­pad tulad na lamang ng pagsusulong ng moderni­sasyon sa naturang ahen­siya, pagsugpo sa kati­walian tulad ng illegal na pagrerehistro ng mga imported na sasakyan na hindi nagbabayad ng tamang buwis.

Sinabi pa ni Maranan na kumpara sa mga naunang namuno sa LTO ay si Suansing lamang na nagmula sa transport sector ang nakakaramdam ng kabuuang problema patungkol sa transpor­tasyon, dagdag pa ang magandang serbisyo na ibinibigay ng LTO sa publiko. (Butch Quejada)