POW buhay pa

Buhay pa ang Prisoner of War na si Army 1st Lt. Vicente Cam­mayo na pi­na­tunayan sa ipinalabas na video footage ng New Peo­ple’s Army na bumihag dito sa Monkayo, Com­postela Valley.

Sa naturang video footage na ipinalabas ng Merardo Arce Command-Southern Minda­nao Regional Operations Command ng NPA ay mapapanood ang video footage ni Cam­mayo, Commander ng 11th Company ng Army’s 3rd Special Forces Battalion na nakikiusap para sa ka­niyang madaliang pag­laya.

Ang nasabing video footage ay ipinarating ni Cammayo sa buntis nitong asawang si Ma­riel, inang si Cecilia at sa iba pang miyembro ng kaniyang pamilya na huwag mag-alala sa kaniyang kaligtasan dahil buhay pa siya na trinatrato naman umano ng maayos ng mga rebeldeng bumihag sa kaniya.

Sa naturang video clip ay makikita na bal­bas sarado, nakaupo sa isang duyan, nakasuot ng pulang t-shirt sa ilalim ng kaniyang camouflage uniform, napa­palibutan ng damo ang lugar, may isang naka­tayong bantay may pitong metro na armado ng automatic rifle kung saan ay bakas ang lung­kot at takot sa muk­ha nito.

Si Cammayo ay ka­sa­lukuyang POW ng Alejandro Lanaja Command Front 3 Operations Command ng NPA matapos itong makor­ner sa engkuwentro sa Brgy. Casoon, Monka­yo, noong Nobyembre 7.

Bukod kay Camma­yo, POW rin ng NPA ang pulis na si Po3 Eduardo Tumol ng 1105th Provincial Mobile Group na dinukot naman ng mga rebelde noong Nobyem­ bre 5. (Joy Cantos)