PNP full alert vs terorista

Itinaas na kahapon ng Philippine National Police sa full alert status ang buong puwer­sa nito sa buong bansa laban sa pananalakay ng pan­ daigdigang te­roristang grupong Je­maah Isla­miyah na may ugnayan sa Al Qaeda.

Ayon kay PNP Chief Director General Avelino Razon Jr., ang ‘full alert status’ ay kaniyang inu­tos kasu­nod ng madu­gong pam­bobomba noong Sabado ng mga pinag­hihinalaang Al Qaeda sa Marriot hotel sa Pakistan.

Sa nasabing insi­dente ay 53 katao ang nasawi habang mahigit pa sa 100 ang nasuga­tan kabilang ang isang Pilipina.

Sinabi ni Razon na, bagaman wala na­mang silang natatang­gap na intelligence reports hinggil sa po­sibleng pambobomba ng JI terrorists sa mga hotel, dayuhang Em­bahada kabilang ang US Embassy, pangu­nahing instalasyon ng gob­yerno, oil depot at iba pa, mas mainam na ang nakahanda sa lahat ng oras.

Kabilang rin sa ma­higpit na binabantayan ang Metro Rail Transit, Light Rail Transit Authority, daungan, pali­paran, bus terminals, bisini­dad ng malalaking sim­ba­han, shopping malls, Makati City na itinuturing na pinansyal district ng bansa at iba pa.