Benta ng small players tumaas

Umepekto ang pana­wagan ng mga transport group na i-boykot ang tatlong dambuhalang kom­ panya ng langis na hindi kaagad nagpatupad ng rollback makaraang tumaas ang benta ng mga independent players na nagtapyas ng halaga ng kanilang produkto.

Ayon kay Chito Me­dina Cue, Jr., General Manager ng Unioil Philippines Inc., nadoble ang benta ng lahat ng kani­lang gas stations sa Me­tro Manila nang ipana­wagan ng transport group ang pag-boykot sa big-3 oil companies matapos nilang tap­ yasan ng P1 kada litro noong Martes ang halaga ng kanilang produkto.

Sinabi ni Cue na posi­bleng magtapyas pa sila ng mula P1 hanggang P2 kada litro sa ga­soline at diesel sa susunod na linggo kapag patuloy ang pag­bagsak ng presyo ng la­ngis sa pandaigdigang pamili­han.

Sa kasalukuyan, uma­abot na sa P6.50 ang ibi­ naba ng presyo ng kanilang gasoline habang P4.50 naman ang krudo mula ng magpatupad sila ng rollback noong Agosto.

Sa kabila nito, nag­pahayag din ng pangam­ba ang Unioil sa magiging resulta ng pagpupulong ng mga oil producing countries sa Setyembre 9, kung saan pag-uusa­pan ang pagda­ragdag o pagbabawas ng kanilang produkto, batay sa pa­ngangailangan ng mala­laking bansa. (Lordeth Bonilla)