Chopper ng Defense chief muntik bumagsak

Dahil sa malakas na pagbuhos ng ulan kasabay ng malakas na  hangin, muntik nang bumagsak ang sinasakyang Huey helicopter ni Defense Secretary Gilberto Teodoro na napilitang mag-emergency landing sa isang eskuwelahan sa Marikina City kahapon ng umaga.

Ito’y sa gitna na rin ng pagbayo ng bagyong Helen sa bansa na nasa bahagi ng hilagang Luzon.

Bandang ala-1:45 ng hapon nang mapilitan ang piloto ng helicopter na mag-emergency landing sa Fugoso Memorial School (Boys town) sa Marikina City.

Sinabi ni Teodoro na  pabalik na sila sa Camp Aguinaldo galing sa pagle-lecture sa  Army Training and Doctrine Command sa Tarlac  nang mangyari ang insidente.  (Joy Cantos)