OFWs sa Lebanon pinayuhang mag-ingat

Upang huwag mala­gay sa peligro, pinayuhan ng mga opisyal ng pama­halaan ang may 25,000 Overseas Filipino Workers sa Lebanon na mana­tili muna sa kanilang mga tahanan kaugnay ng ka­gu­luhan sa bansang Le­banon.

Sa ulat na nakarating kahapon sa Department of Foreign Affairs, ang naturang babala ay ipina­labas nina Consul Joseph Assad, Honorary Consul ng Lebanon to the Philippines at  Abdul Kader Al Jadid, Pangulo ng Filipino-Lebanese Friendship Association matapos i-assess ng mga ito ang kaguluhan sa Beirut, ang kapitolyo ng Lebanon.

Ayon sa mga opisyal mas makabubuting lu­mayo sa mga kalsada ang mga OFWs at sumu­nod sa kanilang mga amo  para sa kanilang kalig­tasan. Pinapayuhan ang mga ito na isagawa ang kaukulang pag-iingat upang makaiwas sa pa­nganib.

Magugunita na  su­miklab ang kaguluhan sa Beirut matapos na pu­wersahang kunin ng mga Hezbollah forces ang kontrol sa West Beirut  mula sa mga Sunni na tapat sa US-backed government. (Joy Cantos)