OFWs sa HK may umento

Siniguro ng Hong Kong authorities na mag­ka­ka­roon ng dagdag sa suwel­do ang mga OFWs parti­kular ang mga domestic helper doon.

Nabatid kay Labor Secretary Marianito Ro­que, nagkaroon agad ng bunga ang ginawang pagbisita ni Pangulong Arroyo sa Hong Kong ma­tapos tiyakin ni Matthew Cheung, Permanent Secretary for Labour and Welfare sa HK, na ihahayag nila ang moderate na pagtaas sa sahod ng mga DH na Pinay hanggang sa Hunyo.  

Aniya, hihintay na la­mang ng HK authorities ang statistical date ng kanilang consumer price index, gross domestic product at iba pang economic indicators na ina­asahang lalabas sa bu­wang na magdedetermina sa maging dagdag sa sa­hod ng mga foreign workers sa HK. 

Sa kasalukuyan ay umaabot sa HK$3,480 ang bu­wa­nang suweldo ng mga Pinay DH, ayon kay Roque.  Sa record ng Hong Kong Labour and Welfare Department, nasa 125,000 ang Pinay DH doon. (Rudy Andal)