Rolito Go, 18 yrs. pa raw sa Munti

Tatagal pa ng 18 taon ang convicted murderer na si Rolito Go sa New Bilibid Prison (NBP) sa Muntinlupa City matapos na mabigo itong tuparin ang kanyang pangako sa Marikina Regional Trial Court na babayaran niya ang P3.6 million civil liability sa pamilya ng kanyang biktima na si Eldon Maguan.

Noong Pebrero 12, inimpormahan ni Julie Go-Sy, ka­patid ni Rolito si Marikina RTC Judge Lorna Catris Chua-Cheng na mag-isyu na sila ng tseke para sa danyos “in full amount” para sa maagang pagpapalaya ni Rolito na 13 taon nang nakakulong.

Ngunit ayon kay court Sheriff Felix Belen walang nagpakitang kinatawan mula sa pamilya Go simula pa noong huling pagdinig. Sinabi naman ni Atty. Jose Fla­miniano, counsel ng pamilya Maguan, ang hindi pag­babayad ng civil liability ni Go ay indikasyon lamang na hindi ito sinsero sa kanyang ipinangako.