Operasyon ng PETC dapat limitahan

Kinontra ni Land Transportation Office (LTO) Chief Alberto Suansing ang pag-alis o lifting ng moratorium ng DTI sa pagtanggap ng application sa pagtatayo ng Private Emission Test Center (PETC). 

Sa harap ng mga PETC operators, sinabi ni Suansing na hindi siya sang-ayon sa lifting ng moratorium lalo na sa mga lugar na marami nang nag-ooperate na PETC dahil lalo lamang umano mag-iibayo ang mga insidente ng “non-appearance” testing kapag nadagdagan pa ang bilang ng mga PETC na sa ngayon ay mayroon ng cutthroat competition.

Sabi ni Suansing, ang kailangan ay magkaroon ng rationalization sa pag­bibigay ng authorization o tamang bilang la­mang ng PETC ang dapat mag operate sa bawat lugar alin­sunod sa panga­ngailangan ng dami ng bilang ng mga registrants. Dapat ay isa o dalawa lamang ang PETC na maaaring mag-operate sa isang lugar na walang ga­anong malaking popu­las­yon.

Pinaalalahanan din ni Suansing ang mga negos­yanteng nais magtayo ng emission test center na ang pagkakaroon ng DTI permit ay hindi nangangahulugan na bibigyan na sila ng LTO authorization upang mag-operate. 

Anya ang LTO ay may kapangyarihan na magbi­gay ng authorization sa mga PETC na mag-operate ngu­nit ang pagkaka­loob naman ng LTO ng authorization ay ibabase sa pangangailangan ng PETC sa isang lugar. 

Mula nang dumami ang mga nag-operate na PETC, naglipana na ang non-appearance sa pag­papasuri ng usok ng mga sasakyan sa kagustuhan ng mga operators na ku­mita ng malaki. (Angie dela Cruz)