Pinay trinatong parang aso, tatanggap ng P33.5M

Blacklisted o bawal nang makapasok sa ban­ sa ang isang American couple matapos ma­hatu­lan ang mga ito ng US court dahil sa pag­tratong pa­rang aso sa Pinay domestic helper sa Los Angeles, California.

Nabatid kay Immigration Commissioner Mar­celino Libanan na napa­tu­nayang nagkasala  sina James Jackson, 53, isang top Hollywood laywer at asawang si Elizabeth, 54 ng pagma­maltrato sa Pi­nay na si Nena Ruiz, da­ting school teacher.

Nakapaloob sa ka­utusan ng korte na pag­multahin ang mag-asawa ng halagang $825,000 o P33.5 milyon bilang da­mages sa nasabing Pinay.

Nag-plead ng guilty sa kasong forced labor si Elizabeth sa pagtrato ng mas masahol pa sa aso kay Ruiz kaya hinatulan ito ng 3 taong pagkabi­langgo.

Inatasan din ng korte si James Jackson, dating vice president ng legal affairs ng Sony Pictures, na gumawa ng 200 oras na community service at pinagbabayad ng $5,000 multa matapos aminin nito ang kasong har­bouring an illegal alien.

Sa testimonya ni Ruiz, habang naglilinis at pina­ pakain ng fresh food ang mga alagang hayop ng mag-asawang Jackson ay hindi naman siya pinapa­kain sa loob ng tatlong araw.

Sapilitan din siyang pinatutulog sa tulugan ng aso at pinagtatrabaho ng 18 oras kada araw. At kahit tapos nang maka­pagtra­baho ng pitong buwan sa mga Jackson ay binayaran lamang siya ng halagang $300.

Aniya, tinakot din siya ng mag-asawa na ibi­bigay  siya sa US immigration bureau kung ta­tangkain nitong tumakas.

Sa hiwalay na kasong sibil, sinampahan din ng kaso ni Ruiz si Elizabeth dahil sa madalas na pananampal at panana­bunot umano sa kanya ng amo.

Iginiit ni Libanan na ang pag-ban sa mag-asawang Jackson ay upang mai­pakita sa buong mundo na kaila­ngang tratuhin ng ma­katao ang lahat ng mga OFW na nagbibigay ng serbisyo sa kanilang foreign employer. (Ellen Fernando)