Bill para ‘humaba’ ang buhay ng lalaki inihain

Dahil tumataas ang “life expectancy gap” ng mga lalaki at mga ba­bae kung saan na­tuk­lasan na mas maikli ang buhay ng mga lalaki kaysa sa mga babae, isang panuka­lang batas ang inihain ni Sen. Mi­riam Defensor San­tiago na nag­lalayong panga­lagaan ang buhay at kalu­sugan ng mga kala­lakihan.

Sa kanyang Senate Bill 1910 o “Men’s Health Act of 2007”, nais ni San­tiago na magka­roon ng Office of Men’s Health na ila­lagay sa panganga­laga ng Department of Health upang ma­isulong ang panganga­laga sa kalu­su­gan ng mga la­laki.

Ayon kay Santiago, sa Amerika, ang life expectancy gap sa pa­gitan ng lalaki at babae ay tu­maas nang mula isang taon noong 1920 sa anim na taon noong 2001.

Dito sa Pilipinas, si­nabi ng DOH na ang life expectancy ng mga la­laki ay 67.83 taon sa­mantalang karami­han sa mga babae ay tu­ma­tagal ng hang­gang 73.08 taon.

Kabilang umano sa mga dahilan ay ang mali­mit na pagbisita ng mga babae sa kanilang doctor kaya mas na­kakaiwas sa mga iba’t ibang sakit at kompli­kasyon.

Naniniwala si San­tiago na ang maagang detection ng mga male health problems ay ma­halaga upang iwa­san ng mga lalakihan ang iba’t ibang sakit. (Malou Escu­dero)