TMG bawal nang manghuli

Upang maiwasan ang pagkakasangkot sa pango­ngotong, simula kahapon ay pinagbawalan na ni Philip­ pine National Police (PNP) Chief Director Ge­neral Ave­lino Razon Jr. sa mga ele­mento ng PNP-Traffic Ma­nagement Group na mang­huli ng mga traffic violators.

Ayon kay Razon, mag­popokus na lamang ang PNP-TMG sa pagsugpo ng kriminalidad tulad ng car­napping at carjacking.

Ang direktiba ay kasu­nod ng sumbong ng trans­port groups na kinokoto­ngan umano sila ng mga pulis na nagmimintina sa daloy ng trapiko.

Kaugnay nito, payag naman ang mga bus ope­rators na magpasakay ang PNP ng mga secret mar­shals sa mga bumibiya­heng bus para masawata ang kriminalidad partikular na ang holdapan.

Samantala, papalitan rin ng PNP ang pangalan ng TMG ng Highway Patrol Group.

Binigyang-diin pa ni Razon na determinado siyang maiangat ang imahe ng pulisya sa mata ng publiko kaya pagbubu­tihin nila ang pagseser­bisyo sa mga tao.  (Joy Cantos)