TODO NA ‘TO

Lumikha ng sindak, grabeng pagsisikip ng daloy ng trapiko at tula­kan ng commuters ang pagka­katuklas sa itim na bag na inakalang naglala­man ng bomba sa pa­anan ng tulay na nag-uugnay sa LRT at MRT,  kahapon ng umaga sa Pasay City .

Mas lalong nag-una­hang magpanakbu­han ang mga commuters makara­ang magpasiya ang mga tauhan ng Spe­cial Wea­pons and Tactics at Explo­sive Ordnance Division (SWAT-EOD) ng Pasay police na huwag munang paraanin ang mga sasak­yang tumata­hak sa kaha­baan ng EDSA patungo sa kati­mugang bahagi at itina­boy din ang mga taong naglalakad sa bangketa upang maiwasan ang po­sibleng disgrasya sakaling bomba nga ang laman ng itim na bag.

Sa tinanggap na ulat ni Senior Supt. Marietto Va­lerio, hepe ng Pasay police, itinawag ng mga traffic enforcers sa SWAT ang pagkakatuk­las nila sa bag na itim na kaduda-dudang iniwanan sa natu­rang lugar sa EDSA Ro­tonda dakong alas-8 ng umaga.

May nakalawit uma­nong P100 piso sa zipper ng bag na sa unang hi­nala ng pulisya ay nagsi­silbing switch na kapag hinatak ay sasabog ang bomba sa loob nito.

Halos isang oras din ang inabot ng makapigil hiningang pagde-defuse ng inaakalang bomba na ginamitan ng mga tauhan ng EOD ng water charger upang maiwasan ang se­condary explosion kung sakaling positibo ito.

Nabatid na posibleng isang uri lamang ng pana­nakot o pambubulabog ang ginawa ng nag-iwan sa  bag matapos matuk­lasan na pawang maru­ruming damit lamang ang laman nito.

May hinala rin ang pulisya na isang palaboy ang may-ari ng bag at naiwan lamang ito sa na­turang lugar dahil pawang maruruming damit la­mang ang laman nito.  (Rose Tamayo-Tesoro)