Cayetano, Pimentel muling hinamon sa political dynasty

Muling hinamon ng isang tagapagtaguyod ng anti-political dynasty sina opposition senatorial candidates Alan Peter Cayetano at Aquilino "Koko" Pimentel III na "iwanan nila ang mga walang kabuluhang pangako sa mga botante kahit pansamantala lang" at makilahok sa isang mahalagang debate sa isyu ng paglilinaw ng kanilang kandidatura nang sa gayon ay matapos na ang dynasty issue.

Ayon kay Atty. Ruby Bruno, legal counsel ng Alyansa Laban sa Dynastiya (Aladyn), ang kanyang hamon ay bunsod ng mahigpit na pagtutol ng Aladyn na naghahangad na mapigilan ang paglaganap ng political families na naluluklok sa kapangyarihan at gumagamit ng kapangyarihan para makapagtatag ng dynastiya.

Si Cayetano, tatlong terminong kinatawan ng Taguig-Pateros ay kapatid ni Sen. Pia Cayetano at si Koko Pimentel ay anak ni Sen. Aquilino Pimentel, Jr.