Erap gustong mag-Pasko at New Year sa San Juan

Nagsampa ng mosyon ang abogado ni dating Pangulong Estrada na humihiling na makalabas ito sa kanyang detensiyon saTanay, Rizal sa darating na Pasko at Bagong Taon upang makapiling ang maysakit na inang si Doña Mary sa bahay nito sa San Juan.

"He would like to seek permission to spend part of the season of grace and goodwill with his family," pahayag ni Atty. Rene Saguisag.

Nais ni Estrada na makalabas mula Dis. 24- Enero 2, 2007.Pero kung hindi kakatigan ng korte ang Christmas wish ni Estrada dahil tatagal ito ng halos siyam na araw, iginiit ni Estrada na sana ay payagan itong makalabas mula Dis. 24-27, at Dis. 31-Enero 2, 2007.

Ipagdiriwang ang kaarawan ni San Juan Mayor JV Ejercito sa Disyembre 26 at gustong dumalo ng dating pangulo.

Hindi pinagbigyan ang pinakahuling mosyon ni Estrada na makadalaw noong Oktubre kay Doña Mary tuwing weekend dahil napuna ng korte na mas ginugugol ng dating pangulo ang kanyang panahon sa pakikipag-usap sa mga political leader at hindi sa ina. (Malou Escudero)